Қазақстанда 1 наурызға қараған түні UTC+5 бірыңғай уақыт белдеуіне көшу жоспарлануда. Бұл Қызылорда, Маңғыстау, Ақтөбе, Атырау және Батыс Қазақстан облыстарынан басқа барлық өңірлерде уақыт бір сағатқа артқа ауыстырылатынын білдіреді.

Бұл не үшін қажет?

Елдің көп бөлігі өзінің табиғи уақыт белдеуінде өмір сүрмейді. Бұл денсаулыққа теріс әсер етеді, өйткені адамдар оянып, қараңғыда жұмысқа барады.

Бірыңғай уақыт белдеуі азаматтар үшін коммуникацияны жеңілдетеді, бизнес пен мемлекет үшін қолайлы жағдай жасайды.

Сағатты аудару денсаулыққа қалай әсер етеді?

Алғашқы күндері жаңа уақыт белдеуіне бейімделу процесіне байланысты шаршау мен тітіркену мүмкін. Бұл бірнеше күнге созылуы мүмкін. Ұзақ мерзімді перспективада табиғи уақыт белдеуіне ауысу адамдардың денсаулығы мен эмоционалды-психикалық жағдайына оң әсер етуі мүмкін.

Уақыт белдеуінің өзгеруіне кім көбірек әсер етеді?

– Балалар;

– қарт адамдар;

– ұйқымен және жүйке жүйесімен байланысты созылмалы аурулары бар адамдар;

– түнгі ауысым қызметкерлері.

Жаңа уақыт белдеуіне бейімделу үшін №10 емхана дәрігерлерінің ұсыныстары:

Біртіндеп әдеттегіден 15-30 минут бұрын ұйықтауға үйреніңіз, сонымен қатар таңертең көтерілу уақытын біртіндеп арттырыңыз.

Ұйықтауға ыңғайлы атмосфера жасаңыз.

Ұйықтар алдында кофеин мен алкогольден аулақ болыңыз.

Күні бойы жаттығу жасаңыз.