“Жыныстық қатынас, гигиена және салауатты өмір салты”

ҚазҰӨУ студенттері үшін Ramada Plaza ғимаратында “жыныстық қатынас, гигиена және салауатты өмір салты” тақырыбында дәріс өтті . Дәрісті №10 Қалалық емхана жастардың жыныстық денсаулық, гигиена және салауатты өмір салтының маңыздылығы туралы хабардарлығын арттыру мақсатында ұйымдастырды.

Дәріс аясында келесі тақырыптар қамтылды:

– Жыныстық денсаулық: жыныстық жүйенің анатомиясы және физиологиясы, жыныстық жолмен берілетін инфекциялар (ЖЖБИ), контрацепция әдістері, отбасын жоспарлау.
– Жеке гигиена: дене күтімі ережелері, гигиенаны сақтамауға байланысты аурулардың алдын алу.
– Салауатты өмір салты: дұрыс тамақтану, физикалық белсенділік, жаман әдеттерден бас тарту, ұйқы және демалыс режимі.
Дәрісті №10 Қалалық емхананың тәжірибелі дәрігер-гинекологтары өткізді.
Дәріс барысында келесі ұсыныстар берілді:

– Ауруларды ерте анықтау үшін тұрақты медициналық тексеруден, оның ішінде гинекологтан өту.
– ЖЖБИ мен қалаусыз жүктіліктен қорғау үшін әр жыныстық қатынас кезінде тосқауыл контрацепциясын қолдану.
– Жеке гигиена ережелерін сақтау: Күнделікті душ қабылдау, іш киімді ауыстыру, дымқыл майлықтарды қолдану.
– Салауатты өмір салтын ұстану: дұрыс тамақтану, үнемі жаттығулар жасау, темекі шегуден және алкогольден бас тарту.